Ukraina Rossiya bilan muzokaralarda kuchsiz pozisiyada ekanini tan oldi
Moskva bilan muloqot guruhi rahbari bu haqda gapirgan.
Ukrainaning Rossiya bilan muzokaralardagi pozisiyasi zaif. Bu haqda RF bilan muloqot guruhi rahbari David Araxamiya ma’lum qildi.
Haqiqatdan ham muzokaralar stolida bizning pozisiyamiz kuchsiz. Shu sababdan biz muloqot olib bormayapmiz. Qandaydir yo‘l bilan vaziyatni tubdan o‘zgartirishimiz kerak, — degan u.
Araxamiyaning so‘zlariga ko‘ra, tomonlar amalda muzokaralarni to‘xtatib qo‘ygan bo‘lsada, haftada bir-ikki marotaba telefon orqali muloqot qilib turibdi. Shu bilan birga siyosatchining qo‘shimcha qilishicha, Moskva va Kiyevda muloqotni davom ettirish imkoni yo‘qligini yaxshi tushunishadi.
Avvalroq Ukraina armiyasi kuniga qancha askar yo‘qotayotgani ma’lum bo‘lgandi.
