Ukrainadagi janglarda ishtirok etayotgan xorijliklar haqida maʼlumot berildi
Ular orasida 1 nafar o‘zbekistonlik borligi aytilmoqda.
Rossiya mudofaa vazirligi Ukraina harakat qilayotgan yollanma jangchilar haqida maʼlumot berdi.
Unga ko‘ra, 24 fevraldan buyon Ukraina tomonida jang qilish maqsadida 6956 xorijlik kelgan. Ularning 1956 nafari yo‘q qilingani va 1179 nafari ortga qaytib ketgani aytilmoqda.
Shu bilan birga Rossiya tomoni bundan oldin 20 ming chet ellikning jang qilayotgani haqidagi xabarlarni “mutlaqo yolg‘on” deb atagan.
Taqdim etilgan maʼlumotlarga ko‘ra, Yevropa qitʼasidan eng ko‘p Polsha fuqarolari yollanma jangchi sifatida kirib kelgan (1831 nafar). Shimoliy Amerikadan esa bu borada Kanada yetakchi (601nafar).
Bundan tashqari, MDH mamlakatlari fuqarolari ham Kiyev tomonida urush olib borayotgani maʼlum qilingan. Ular orasida 1 nafar O‘zbekiston fuqarolari borligi ham qayd etilgan.
Avvalroq Ukraina Rossiya bilan muzokaralarda kuchsiz pozitsiyada ekanini tan olgandi.
