BRICS sanksiyalarga qarshi birgalikda harakat qilishi kerak — Si Szinpin
Bugun ushbu xalqaro tuzilmaning navbatdagi sammiti bo‘lib o‘tmoqda.
BRICS davlatlari bir tomonlama sanksiyalarga birgalikda qarshi turishi kerak. Bu haqda XXR raisi Si Szinpin maʼlum qildi.
“Biz sovuq urush va bloklar qarama-qarshiligi mentalitetidan voz kechishimiz, bir tomonlama sanksiyalar va ularning suiisteʼmol qilinishiga qarshi chiqishimiz, shuningdek, kichik gegemonlik guruhlaridan tashqariga chiqishimiz kerak”, – degan u.
Xitoy yetakchisi, shuningdek, BRICS‘ni ko‘p tarmoqlilik va asosida BMT yotadigan xalqaro tizimni himoya qilishga chaqirgan.
BRICS‘ning XIV sammiti 23 aprel kuni videokonferensiya aloqa shaklida bo‘lib o‘tmoqda. Uning kun tartibida global taraqqiyot, xalqaro iqtisodiyot muammolari, shuningdek, rivojlanayotgan davlatlarning xalqaro munosabatlardagi rolini kuchaytirish masalalaridan iborat. Bu yil tashkilotga Xitoy raislik qilmoqda.
Avvalroq Xitoy Rossiyaga yordam berish yo‘llarini qidirayotgani to‘g‘risida xabar berilgandi.
