Yevropaning barcha davlatlari Ukrainaning YeIga nomzod bo‘lishidan xursand emas
Bunga Kiyevning nizo ishtirokchisi ekanligi sabab bo‘lmoqda.
Yevropaning ayrim davlatlari Ukrainaga Yevroittifoqka aʼzolikka nomzod maqomi berilishiga shubha bilan qaramoqda. Bu haqda YEIdagi manbalariga asoslanib The Washington Post xabar berdi.
Xususan, Daniya, Niderlandiya va Polsha dastlab bu masalada ishonchsizlik bilan munosabatda bo‘lgan. Yevropa diplomatlari esa Ukrainaning nomzodlik maqomiga xavotir bildirgan. Ular mamlakat nizo holatida bo‘lgani uchun buni “noreal” deb hisoblagan.
Bundan tashqari, ayrim siyosatchilar uncha badavlat bo‘lmagan davlatni ittifoqqa qabul qilinishiga qarshi chiqqan. Buning sababi Kiyev YеI aʼzosiga aylangan taqdirda undagi eng qashshoq davlat bo‘lishi mumkin. Bu esa boshqalarning ukrainaga subsidiya ajratishiga olib keladi.
Shu bilan birga asta-sekin Kiyevni Yevroittifoqqa aʼzolikka nomzod bo‘lishini qo‘llab-quvvatlash kuchayib borgan. YEIning ayrim davlatlari hamon xavotirda bo‘lsa-da, ular umumiy konsensusga qarshi borishni istamayapti.
Avvalroq Gruziya Ukrainani o‘zining Yevropa Ittifoqiga qo‘shila olmayotganida ayblagandi.
