AQSH Yevropaga qo‘shimcha kuchlar joylashtiradi
Bu kontingent Ukraina mojarosi yakunlangandan keyin ham qitʼada qoladi.
29 iyun kuni AQSH Yevropaga yangi harbiy kontingentlar joylashtirilishini eʼlon qiladi. Bu haqda Jozef Baydenning milliy xavfsizlik bo‘yicha maslahatchisi Jeyk Sallivan maʼlum qildi.
"Chorshanba kuni uzoq muddatga joylashtiriladigan quruqlik, harbiy-dengiz va harbiy-havo kuchlari haqida rasman eʼlon qilinadi", — degan u.
Asosiy kontingent Bolqon, Boltiq mintaqalari hamda Rossiya bilan chegaradosh Sharqiy Yevropada joylashadi. Maslahatchining qayd etishicha, NATO bu bo‘yicha o‘z zimmasiga tarixiy majburiyatlar to‘plamini oladi. Bu qo‘shinlar Ukraina mojarosi yakunlangandan keyin ham shu yerda qoladi.
Sallivanning qo‘shimcha qilishicha, bu nafaqat Rossiya xatti-harakatlari balki strategik reallikdagi o‘zgarishlar tufayli amalga oshirilmoqda.
Bundan tashqari, Ispaniya janubidagi AQSH floti bazasiga yana ikki esmines qo‘shiladi.
Avvalroq NATOning Madriddagi sammitga start berilgandi.
