Kuleba: Rossiya oziq-ovqat yetishmovchiligidan foyda olmoqchi
Ukraina bosh diplomati Moskvani “ochlar o‘yini”ni boshlashda aybladi.
Rossiya butun dunyo bilan “ochlar o‘yini”ni o‘ynamoqda. Ukraina tashqi ishlar vaziri Dmitriy Kuleba Moskvaga shunday ayblov qo‘ydi.
Diplomat bu haqda Balida bo‘lib o‘tayotgan “katta yigirmatalik” tashqi ishlar vazirlari uchrashuvidagi chiqishida aytgan.
“Amalda Rossiya butun dunyo bilan “ochlar o‘yini”ni o‘ynamoqda. U bir qo‘li bilan Ukraina portlarini qamal qilgan, boshqasi bilan esa ayblovni Kiyevga ag‘darmoqda. RF boshqa davlatlarning resurslarga qaramligini ojizlik sifatida ko‘rmoqda va bundan o‘z manfaatlarida foydalanishga harakat qilmoqda”, – degan u.
Vazir Kiyev o‘n yillar davomida global oziq-ovqat xavfsizligida eng muhim rollardan birini o‘ynaganini eslatib o‘tdi.
Avvalroq Ukraina iqtisodiyoti tiklanishi uchun Ukrainaga yarim trillion yevro berilishi mumkinligi to‘g‘risida xabar berilgandi.
