Moskva va Pekin global Janub yo‘nalishidagi pozitsiyalarini mustahkamlamoqda

 

Rossiya va Xitoy G‘arb bilan qarama-qarshilik sharoitida Global Janub bilan aloqalarni mustahkamlashga harakat qilmoqda. Bu haqda The Wall Street Journal gazetasi xabar berdi.

 

Nashrning qayd etishicha, Rossiya rahbariyati mavjud geosiyosiy taranglik sharoitida “Shimol-Janub yo‘nalishida diplomatiya, iqtisodiyot va xavfsizlik sohalarida yangi tarmoqlarni yaratmoqda”. Bu yo‘nalishda Moskvaning eng asosiy ittifoqchisi Xitoy hisoblanadi. Pekin bu bo‘yicha katta tajribaga egaligi, u uzoq yillar davomida Osiyo, Lotin Amerikasi va Afrika bilan savdo olib borgani va investitsiyalar kiritgani taʼkidlangan.

 

“Bu davlatlar yirik iqtisodiy yoki diplomatik o‘yinchilar emas, ammo ularning aksariyati tez rivojlanib borayotgan bozorlarga ega, strategik savdo marshrutlari ustida joylashgan, boshqalari esa “toza energiya”a o‘tishda muhim bo‘lgan resurslarga ega”, – deyiladi maqolada.

 

Shu bilan birga “Shimol-Janub” yo‘nalishi davlatlarining deyarli barchasida G‘arb qadriyatlariga qarama-qarshi maqsadlar borligi qayd etilgan.

 

“The Wall Street Journal” fikricha, Pekin va Moskva global energetika bozorini o‘zi uchun uzoq yillar foyda keltiradigan va G‘arbning zarariga ishlaydigan oqimga burib yubormoqchi. Bu “Ukraina nizosining uzoq istiqboldagi asosiy yakunlaridan biri bo‘ladi”.

 

Bundan tashqari, AQSHning asosiy eʼtibori G‘arbga qaratilgan bir paytda Rossiya va Xitoy “yangi reallik”ka ko‘ra ish yuritayotgani qayd etilgan.

 

Avvalroq Rossiya, Eron va Xitoy AQSH chegaralari yaqinida harbiy mashg‘ulotlar o‘tkazmoqchi ekanligi to‘g‘risida xabar berilgandi.