Rossiya va Eron 40 milliard dollarlik kelishuvga erishdi
Bu shartnoma neft-gaz tarmog‘iga oid.
“Gazprom” va Eron milliy neft korporatsiyasi o‘rtasida qo‘shma memorandum imzolandi. Bu haqda “Interfaks” xabar berdi.
Memorandumda ko‘zda tutilgan loyihalarning umumiy miqdori 40 milliard dollarni tashkil etadi. Unga ko‘ra, Kish va Shimoliy Pars gaz konlarini birgalikda o‘zlashtirish, Janubiy Pars konidagi bosimni oshirish, oltita neft konlarini ishga tushirish, suyultirilgan gaz loyihalarini yakunlash, eksport gaz quvurlarini qurish va boshqa ilmiy-texnik hamkorlik amalga oshiriladi.
Rossiya tomonidan shartnomani “Gazprom” raisi o‘rinbosari Vitaliy Markelov, Eron tomonidan milliy gaz korporatsiyasi rahbari Muhsin Xoystemer imzolagan.
Avvalroq Putinning Eronga tashrifi to‘g‘risida maʼlumot berilgandi.
