Britaniya moliya vaziri Trassni qo‘llab-quvvatladi
Birlashgan Qirollikda bosh vazirlik uchun kurash hal qiluvchi pallaga kirmoqda.
Buyuk Britaniya moliya vaziri Nadim Zaxavi Elizabet Trassning bosh vazirlikka nomzodini qo‘llab-quvvatladi. Bu haqda “The Daily Telegraph” xabar berdi.
“Liz inqirozli paytida status-kvo yechim emasligini yaxshi tushunadi”, – degan vazir.
Uning so‘zlariga ko‘ra, moliya vazirligi yangilangan strategiyaga muhtoj va Trassning iqtisodiy dasturi bunga to‘la mos tushadi.
“U iqtisodiy turg‘unlikni yengib o‘tadi va xo‘jalikni konservativ uslublar bilan boshqaradi”, – deb qayd etgan siyosatchi.
Maʼlumot o‘rnida: 7 iyul kuni Boris Jonson birlashgan qirollik bosh vaziri lavozimidan isteʼfoga chiqdi. Shundan keyin mamlakatda hukumat rahbari lavozimi uchun kurash boshlandi. Yakunda sobiq moliya vaziri Rishi Sunak va amaldagi tashqi ishlar vaziri Liz Trass qoldi. Yakuniy natijalar 5 sentyabrda maʼlum bo‘ladi.
Avvalroq Elizabet Trass bosh vazir etib saylangan taqdirda boshqaruvda katta o‘zgarishlarni amalga oshirishini aytgandi.
