Toshkent metrosida yo‘lovchi eskalatordan yiqilib tushdi
Holat yuzasidan metropoliten ma’lumot berdi.
Ijtimoiy tarqmoqda Toshkent metrosi Yunusobod yo‘nalishining “Yunus Rajabiy” bekatidan Chilonzor yo‘nalishining “Amir Temur xiyoboni” bekatiga o‘tish qismidagi eskalatorning ishlamay qolgani haqida videoxabar tarqaldi. Holat yuzasidan metropoliten axborot xizmati rasmiy munosabat bildirdi.
Ma’lum bo‘lishicha, 31-iyul kuni “Yunus Rajabiy” bekatidagi eskalatordan foydalanayotgan bir yo‘lovchi ehtiyosiz harakati oqibatida yiqilgan va qolgan yo‘lovchilar uni ushlab qolishgan. Bekatdagi eskalator navbatchisi yo‘riqnomaga asosan eskalatorni o‘chirgan.
“Shu o‘rinda barcha yo‘lovchilardan eskalatordan foydalanish vaqtida belgilangan tartib-qoidalarga amal qilishlarini so‘raymiz”, — deyiladi xabarda.
