Vashington yana Moskva bilan muloqotga tayyorligini bildirdi
AQSHning maxsus vakili bu bo‘yicha rejalarni ochiqladi.
Vashington Moskva bilan qurollar ustidan nazorat o‘rnatish maqsadida muloqot o‘tkazishga tayyor. Bu haqda AQSHning yadro qurolini tarqatmaslik bo‘yicha maxsus vakili Adam Sheynman maʼlum qildi.
"Biz Rossiya bilan kelajakda qurollanish ustidan zamonaviy nazorat tizimini yaratish bo‘yicha muloqot o‘tkazishga tayyormiz. Ammo Moskva bunga vijdonan yondashishi kerak", — degan diplomat.
Uning qo‘shimcha qilishicha, AQSHning joriy administratsiyasi hokimiyat tepasiga kelishi bilan ushbu masalada ishni boshlagan. Shu bilan birga Qo‘shma Shtatlar Kreml bilan strategik barqarorlik bo‘yicha muloqotni ham qaytadan boshlamoqchi.
Avvalroq AQSH Rossiyaga strategik hujumkor qurollarni qisqartirish bo‘yicha shartnomani uzaytirishni taklif qilgandi.
