Rossiya TIV: Afg‘onistondan Markaziy Osiyoga narkotik moddalar kirib kelishi ko‘paygan
“Tolibon” davrida narkotrafik hajmi oshgani qayd etildi.
“Tolibon” hokimiyat tepasiga kelgandan so‘ng Afg‘onistondan Markaziy Osiyoga narkotrafik hajmi oshdi. Bu haqda Rossiya TIV yangi chaqiriqlar va tahdidlar departamenti direktori Vladimir Tarabrin maʼlum qildi.
“2022 yil 3 aprelda yangi hukumat giyohvand moddalar yetishtirishni taqiqladi. Ammo bu aprelning ikkinchi yarmida mamlakat janubida afyun hosili yig‘ib olinishi va boshqa davlatlarga olib o‘tilishiga xalal bermadi. Bir vaqtning o‘zida “shimoliy yo‘nalish”da narkooqim ko‘payganini ko‘rish mumkin”, – degan diplomat.
Tarabrinning so‘zlariga ko‘ra, 2021 yilda Afg‘onistonda jami 6.8 ming tonna narkotik ishlab chiqarilganini, u mamlakat YAIMning 14 foizini tashkil etganini qayd etgan. Uning fikricha, bu ko‘plab afg‘onlar uchun yagona daromad manbayi bo‘lib qolmoqda. Kuzatilayotgan qurg‘oqchilik va boshqa o‘simlik urug‘lari hamda mineral o‘g‘itlar yetishmovchiligi fonida boshqa qonuniy ekinlar giyohvand moddalar o‘rnini egallay olmaydi.
Avvalroq BMT toliblarni erishilgan kelishuvlarni bajarmaslikda ayblagandi.
