Metro yo‘lovchilari soni kuniga 200 mingdan oshishi prognoz qilinmoqda
Yo‘lovchilar sentabr oyida bir kunda 550-580 ming, oktabr oyida esa 600 mingga yetadi.
Toshkentda sentyabr oyidan boshlab metropolitendan foydalanuvchi yo‘lovchilar soni o‘tgan yilga nisbatan kuniga 200 mingdan oshishi kutilmoqda. Bu haqida "Toshkent metropoliteni" xabar berdi.
Prognozlarga ko‘ra yo‘lovchilar sentyabr oyida bir kunda 550-580 ming, oktabr oyida esa 600 mingga yetadi.
Toshkent metropoliteni yo‘lovchilardan metropolitendan foydalanish qoidalariga amal qilishlarini so‘ramoqda.
“Harakatlanish vaqtida o‘zaro hurmatni saqlash, poyezd ichidagi yo‘lovchilar chiqib ketguniga qadar kirish uchun vagon eshiklari oldida turmaslik, manzilga kelgach, poyezddan chiqish uchun imkon qadar tezroq harakat qilish, vagon eshiklariga suyanmaslik, shaxsiy buyumlarni vagon va metro hududida qoldirmaslik talab etiladi”, — deyiladi xabarda.
Qayd etilishicha, bularning barchasi oraliq intervallarining reja asosida amalga oshirilishini taʼminlashga ijobiy taʼsir ko‘rsatadi.
