Qancha ukrainalik Buyuk Britaniyada harbiy tayyorgarlikdan o‘tgani maʼlum bo‘ldi
Mashg‘ulotlar iyun oyida boshlangan.
Iyun oyidan buyon 4.7 ming ukrainalik Britaniya hududida harbiy tayyorgarlikdan o‘tdi. Bu haqda Sky News telekanali xabar berdi.
Unga ko‘ra, harbiylar Angliya shimoli, janubi-g‘arbi va janubi-sharqida tayyorgarlik ko‘rmoqda. London ularni o‘qitish muddatini 3 haftadan 5 haftaga uzaytirishga qaror qilgan. Buyuk Britaniya mudofaa vaziri Ben Uollesning taʼkidlashicha, bu orqali ukrainaliklarning harbiy tayyorgarligi sifatini oshirish maqsad qilingan.
O‘quv mashg‘ulotlarida Kanada, Daniya, Finlyandiya, Norvegiya, Litva, Shvetsiya, Niderlandiya va Yangi Zelandiyadan kelgan harbiy murabbiylar ishtirok etmoqda.
Avvalroq Buyuk Britaniya Kiyevga reaktiv tizimlar yetkazib bergani to‘g‘risida xabar berilgandi.
