Буюк Британия Киевга реактив тизимлар етказиб берди
Украина мудофаа вазири британияликларга миннатдорчилик билдирган.
Буюк Британия Украинага навбатдаги М270 реактив тизимларини етказиб берди. бу ҳақда мамлакат мудофаа вазири Алексей Резников ўз “Twitter” саҳифасида маълум қилди.
“Буюк Британия ваъда берди ва бажарди! Мудофаа вазири Бен Уоллес ва бутун Британия халқига миннатдорчилик билдираман. Сизнинг қўллаб-қувватлашингиз ажойиб ва Украина халқи учун муҳим. Армия бу захираларни жанг майдонида ўринли қўллаяпти”, – деган вазир.
Унинг қўшимча қилишича, тез орада “бошқа совғалар” ҳам етиб келади.
Маълумот ўрнида: М270 АҚШнинг HIMARS тизимларининг аналоги бўлиб, бир дақиқа ичида “ер-ер” тизимидаги 12 ракета отиши мумкин. у 80 километр масофага учиб боради.
Аввалроқ Швеция ўз ҳудудида Украина учун қурол ишлаб чиқариш истагини билдирганди.
