Shoygu Rossiyaning Ukrainadagi yo‘qotishlarini ochiqladi
So‘nggi marta bahorda bu haqda maʼlumot berilgandi.
5937 nafar rossiyalik Ukrainada halok bo‘ldi. Bu haqda Rossiya mudofaa vaziri Sergey Shoygu maʼlum qildi.
Shu bilan birga vazir Ukraina yo‘qotishlarini ham ochiqlagan. Uning so‘zlariga ko‘ra, 61 mingdan ortiq ukrain askarlari halok bo‘lgan. shuningdek, 2 mingdan ortiq xorijlik yollanma jangchilar yo‘q qilingan.
Shoygu bugun eʼlon qilingan qisman safarbarlik natijasida 300 ming kishi armiya saflariga jalb qilinishini, bu jarayon bosqichma-bosqich amalga oshirilishini aytgan.
Eslatib o‘tamiz, bugun Rossiyada qisman harbiy safarbarlik eʼlon qilindi. Bu haqda Vladimir Putin tegishli qaror imzolagan.
