“Shimoliy oqim”lardagi portlash kuchi maʼlum qilindi
NATO davlatlari Rossiyani gaz o‘tkazgichlarini ishdan chiqarishda ayblamoqda.
“Shimoliy oqim” va “Shimoliy oqim-2” gaz o‘tkazgichlarida dushanba kuni ming trotil ekvivalentga teng portlashlar sodir bo‘ldi. Bu haqda Daniya xavfsizlik organlari xulosasiga tayanib The Wall Street Journal xabar berdi.
Nashr manbalariga ko‘ra, Daniya bu haqda chorshanba kuni NATO davlatlari vakillari uchrashuvida maʼlum qilgan. Ikki portlashning umumiy kuchi 1100 fut trotilga teng bo‘lgani aytilmoqda.
NATO hodisada Rossiyani ayblamoqda. Yevropa diplomatlarining fikricha, alyans davlatlari xulosa berishga shoshilmayapti va ular qo‘shimcha dalillar keltirilmaguncha rasmiy bayonot bermaslikni maʼqul ko‘rgan.
Dushanba kuni “Shimoliy oqim” o‘tkazgichlarida katta miqdorda gaz sizib chiqishi aniqlandi. Yevropa davlatlari hodisada Moskvani ayblagan. O‘z navbatida Rossiya tomoni ham o‘tkazgichlarda terakt bo‘lganini va uning ortida AQSH turganini taʼkidlagan.
Hozirda gaz o‘tkazgichlari orqali Yevroittifoqqa yoqilg‘i eksporti deyarli to‘xtagan.
Avvalroq Shvetsiya qirg‘oqlari yaqinida gaz sizib chiqishining yangi nuqtasi aniqlangandi.
