Rossiya Qora dengizda yadro sinovi o‘tkazishi mumkin
Shu munosabat bilan NATO o‘z aʼzolarini ogohlantirdi.
Rossiya Ukraina bilan chegara yaqinida yadro sinovlari o‘tkazishi mumkin. NATO bu bo‘yicha alyans aʼzolarini ogohlantirdi.
The Times‘ning xabar berishicha, sinovlar Qora dengizda bo‘lib o‘tishi ehtimoli bor. Gazeta bilan suhbatlashgan manbalardan biri bu Ukrainada taktik yadro quroli qo‘llanilishidan ko‘ra haqiqatga yaqin. Shu bilan birga bu ssenariy ham o‘zida bir qator xavflarni jamlagan: sinovlar muvaffaqiyatsiz o‘tgan taqdirda Rossiya shaharlari zarar ko‘rishi mumkin.
Moskva bundan avval bir necha bor Ukrainada yadro qurolli qo‘llashi mumkinligini aytgandi. Xususan, 21 sentyabr kuni Vladimir Putin mamlakat hududiga bevosita tahdid tug‘ilgan taqdirda “har qanday vositalardan foydalanish”ni maʼlum qildi.
NATO bosh kotibi Yens Stoltenberg yadro quroli qo‘llanilgan taqdirda Rossiyaga qarshi jiddiy choralar ko‘rilishini taʼkidlagan.
