Blinken Moskva bilan Ukraina masalasida muzokaralar shartini aytdi
AQSH davlat kotibi Kiyevga qarshi harbiy bosim kuchayganini qayd etdi.
Agar Moskvada muloqotga moyillik bo‘lsa, AQSH Rossiya bilan Ukraina masalasida muzokaralarga tayyor bo‘ladi. Bu haqda Qo‘shma Shtatlar davlat kotibi Entoni Blinken Limadagi matbuot anjumanida maʼlum qildi.
Jurnalistlardan biri yadro urushi xavfi oshganini, bunday sharoitda Vashington Moskva bilan muloqot qilishi majburiyat ekanligi to‘g‘risida savol bergan.
"Fikrimcha, siz oxirgi haftalarda prezident Putin Ukrainaga qarshi agressiyani ikki, uch barobar kuchaytirganini ko‘rdingiz. Gap shundaki, Putin va Rossiya diplomatiyaga hech qanday qiziqish bildirmadi. Ular buni amalga oshirmaguncha, muloqot o‘tkazish qiyin. Biz doimo prezident Zelenskiy ushbu mojaro diplomatik yo‘l bilan hal etilishini aytib kelganini gapirdik. Agar Rossiyada ham jiddiy diplomatik kayfiyat bo‘lsa, biz ham bunga tayyor bo‘lamiz. Afsuski, hozirda barchasi aksincha", — degan davlat kotibi.
Seshanba kuni Vladimir Zelenskiy Rossiya prezidenti Vladimir Putin bilan muzokara o‘tkazib bo‘lmasligi haqidagi Milliy xavfsizlik va mudofaa kengashi qarorini kuchga kiritdi.
Avvalroq Putin Donbass hududlari Ukrainaga qaytarilmasligini aytgandi.
