Yun Sok Yol KXDR yadro qurolini foydasiz deb baholadi
U Pxenyanni butun dunyoga tahdid tug‘dirishda ayblagan.
KXDR o‘z yadro salohiyatini rivojlantirib hech narsaga erishmaydi. Bu haqda Janubiy Koreya prezidenti Yun Sok Yol maʼlum qildi.
“Shimoliy Koreya o‘z yadro arsenalini rivojlantirmoqda va nafaqat, Koreya respublikasiga, balki butun dunyoga tahdid solmoqda. Fikrimcha, ular yadro quroli bilan hech narsaga erishmaydi”, – degan u.
Bundan oldin Yun Sok Yol Pxenyanga denuklearizatsiya evaziga iqtisodiy yordam taklif qilgandi.
Avvalroq Kim Chen In Seul va Vashington bilan muzokara o‘tkazmasligini aytgandi.
