Isroil Ukrainaga haqiqatdan ham qurol beradimi?
Mamlakat mudofaa vaziri bu bo‘yicha rejalarni ochiqladi.
Isroil Ukrainaga qurol yetkazib bergani yo‘q. Bu haqda mamlakat Mudofaa vaziri Beni Gans Kol Chai radiosida eʼlon qildi.
"Biz Ukrianaga tibbiy va gumanitar yordam berganmiz. Ammo shuni aniq aytamanki, biz Ukrainaga qurol sotmaganmiz", — dedi u.
Vazir Isroil diasporalar vaziri Naxman Shayning oldinroq bu haqda aytgan gaplarini inkor qildi.
"Agar Nayman Shay Ukrainaga qurol sotilgan yoki sotiladi deb aytgan bo‘lsa, u adashgan. Men mudofaa vaziriman va Isroildan qurol eksport qilinishiga men javob beraman", — dedi Gans.
Avvalroq Isroil diaspora masalalari vaziri Naxman Shay hukumatni Ukrainaga harbiy yordam berishga chaqirgandi.
