Toshkentda metro harakati to‘xtab qoldi
Holatga rasmiylar munosabat bildirdi.
Bugun, 23-oktyabr kuni Toshkent metrosining “Yerusti halqa yo‘li” yo‘nalishida poyezdlar harakati vaqtincha to‘xtab qoldi. Holat yuzasidan “Toshkent metropliteni” DUK rasmiy munosabat bildirdi.
Qayd etilishicha, Qo‘yliq dehqon bozori oldida qurilayotgan avtomobil yo‘l ko‘prigidagi qurilish uchun mo‘ljallangan materiallari bugungi yomg‘ir natijasida poyezdlar harakatiga xavf (gabaritdan tashqarida) solgan.
Harakat xavfsizligini ta’minlash maqsadida belgilangan yo‘riqnomaga asosan “Yerusti halqa yo‘li” yo‘nalishidagi metro poyezdlari harakati 9:00 dan 9:25 ga qadar vaqtincha to‘xtatilgan.
“Ayni vaqtda ma’sullar tomonidan qurilishdagi ushbu kamchiliklar bartaraf etilgan hamda poyezdlar harakat jadvali asosida harakatlanmoqda”, — deyiladi xabarda.
