Toshkent metrosida nozoslik yuz berdi
Holatga rasmiylar munosabat bildirdi.
Ijtimoiy tarmoqlarda “Yunusobod” metro yo‘nalishining Turkiston bekatida poyezdlar eshigi ochilmay qolgani haqida xabarlar tarqaldi. Holat yuzasidan “Toshkent metropoliteni” DUK rasmiy munosabat bildirdi.
Qayd etilishicha, soat 20:05 da “Turkiston” bekatidan harakatlanishni boshlagan 62-sonli harakat tarkibida texnik nosozlik holati kuzatilgan.
Belgilangan yo‘riqnomaga asosan mashinist tomonidan yo‘lovchilar bekatga tushirilgan. Harakat tarkibi esa texnik ko‘rikdan o‘tkazish maqsadida shu bekatning tekshiruv yo‘lagiga yuborilgan.
“Hozirda barcha poyezdlar belgilangan jadval asosida harakatlanmoqda”, — deyiladi xabarda.
