Toshkentda metro vagonlaridan tok chiqayotani aytildi
Holatga rasmiylar izoh berdi.
Ijtimoiy tarmoqlarda Toshkent metrosi vagonlaridan birida o‘rindiqdan tok chiqayotgani haqida videoxabar tarqaldi. Holat yuzasidan “Toshkent metropoliteni” DUK rasmiy munosabat bildirdi.
Qayd etilishicha, videodagi holat "Chilonzor" yo‘nalishining Sergeli yo‘lida kechki vaqtda sodir bo‘lgan. U metro yo‘lidagi yoritish qurilmalarining vagon ventilyatsiya orqali tushgan yorug‘ligi ekani aniqlangan.
“Shu o‘rinda yo‘lovchilar tomonidan o‘rinsiz videolarni tarqatmaslikni so‘rab qolamiz”, — deyiladi xabarda.
