AQSH Avstraliyaga 6 milliard dollarlik samolyot sotadi
Davlat departamenti bu xaridlarni maʼqulladi.
AQSH Avstraliyaga 24 dona Super Hercules harbiy-transport samolyotlarini sotadi. Bu Kanberra uchun 6.35 milliard dollarga tushadi.
Reuters agentligi maʼlumotlariga ko‘ra, Davlat departamenti bu bo‘yicha tegishli qarorni maʼqullagan. AQSHning Lockheed Martin korporatsiyasi samolyotlar yetkazib berilishi uchun javobgar hisoblanadi.
“Ehtimoliy kelishuv Qo‘shma Shtatlar tashqi siyosati va milliy xavfsizligi manfaatlariga javob beradi. Avstraliya — G‘arbiy Tinch okeani mintaqasidagi asosiy ittifoqchilarimizdan biri”, — deyiladi hujjatda.
Pentagonning xavfsizlik va mudofaa sohasidagi hamkorlik agentligi Kongressni ushbu xaridlar to‘g‘risida ogohlantirgan.
Avvalroq AQSH Avstraliyaga atom bombasi olib yuradigan B-52 samolyotlarini joylashtirishi to‘g‘risida xabar berilgandi.
