Britaniya Rossiyaga qarshi navbatdagi sanksiyalarni joriy qildi
Kreml elitasi “qora ro‘yxat”ga kiritilgan.
Britaniya Kreml elitasi va Rossiyaning harbiy ishlab chiqarish bilan bog‘liq kompaniyalariga sanksiyalarning yangi paketini joriy qildi.
Cheklovlar Ukrainada urush olib borish uchun harbiy texnika, xususan, uchuvchisiz samolyotlar yetkazib beruvchi oltita tashkilotga, shuningdek, harbiy amaliyotlarni moliyalashtirish bilan bog‘liq sakkiz nafar jismoniy va bir yuridik shaxsga tegishli.
Umumiy hisobda Ukrainada urush boshlanganidan beri Buyuk Britaniya Rossiyaning 1,3 mingdan ortiq yuridik va jismoniy shaxslariga qarshi sanksiyalar kiritdi.
Eslatib o‘tamiz, 8 fevral kuni Ukraina Prezidenti Vladimir Zelenskiy Londonga tashrif buyurib, u yerda Buyuk Britaniya Bosh vaziri Rishi Sunak bilan muzokara o‘tkazdi. Britaniya hukumati rahbari Ukraina harbiylarini tayyorlash va Kiyevga uzoq masofali qurollarni yetkazib berish bo‘yicha kengaytirilgan dasturni eʼlon qilishi kutilmoqda.
