Rigina Adashbayeva og‘ir atletika bo‘yicha Osiyo chempionatida 2 ta medalli bo‘ldi
Bu haqda Milliy Olimpiya qo‘mitasi xabar berdi.
Janubiy Koreyada bo‘lib o‘tayotgan og‘ir atletika bo‘yicha Osiyo chempionati O‘zbekiston terma jamoasi uchun muvaffaqiyatli ortda qoldi, deya xabar bermoqda Milliy Olimpiya qo‘mitasi.
Kecha, 11 may kuni ayollar o‘rtasida -87 kg vazn toifasida kechgan bahslarda ishtirok etgan Rigina Adashbayeva kumush va bronza medallarini qo‘lga kiritdi.
Rigina og‘ir atletikaning dast ko‘tarish mashqida 103 kilogramm natija bilan ikkinchi o‘rinni egalladi. Siltab ko‘tarishda esa 127 kilogramm og‘irlikdagi toshni o‘ziga bo‘ysundirib to‘rtinchi natijani qayd etdi. Ikki kurash natijasi bo‘yicha 230 kilogramm og‘irlikni ko‘rgan sportchi shohsupaning uchinchi pog‘onasidan joy oldi.
Ushbu vaznda ikki kurash natijasiga ko‘ra, qitʼa chempionatining oltin medali Xitoy Taypeyi vakilasi Ying-Yuan Lo nasib etdi, Janubiy Koreya sportchisi Xa-Je Yun esa kumush medalni qo‘lga kiritdi.
