Jizzaxda 7 qavatli “dom”da yong‘in bo‘ldi
Yong‘inni o‘chirishga 5 ta yong‘in-qutqaruv bo‘linmalari jalb etildi.
Bugun, 14 iyun kuni soat 05:00da Jizzax shahar «Xalqabod» MFY R.Isayev ko‘chasida joylashgan 7 qavatli binoda yong‘in sodir bo‘layotgani to‘g‘risida Favqulodda vaziyatlar boshqarmasining Navbatchilik qismiga xabar tushgan.
Maʼlum qilinishicha, yong‘in-qutqaruv ekipajlari soat 05:08da voqea joyiga yetib borib, yong‘in soat 05:15 da o‘rab olingan va saot 06:00 da o‘chirilgan.
Dastlabki maʼlumotlarga ko‘ra, yong‘in natijasida binoning 180 kv.m maydoni yonib zararlangan. Binoning 400 kv.m maydoni yong‘indan saqlab qolingan.
Yong‘inni o‘chirishga 5 ta yong‘in-qutqaruv bo‘linmalari jalb etildi.
Yong‘in oqibatida tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.
