Putin JARdagi BRICS sammitiga bormaydigan bo‘ldi
Rossiya prezidenti Janubiy Afrikaga borsa, Xalqaro jinoyat sudi orderiga asosan hibsga olinishi lozim.
Avvalroq Janubiy Afrika prezidenti Kiril Ramafosa Xalqaro jinoiy suddan (XJM) Rossiya prezidenti Vladimir Putinni hibsga olmaslik uchun ruxsat so‘ragani, sababi Rossiya o‘zining amaldagi prezidentining hibsga olinishi urush eʼlon qilish bo‘lishini aytgani haqida xabar berilgandi.
Rossiya prezidenti matbuot kotibining aytishicha, BRIСS sammitida Vladimir Putin o‘rniga mamlakatni tashqi ishlar vaziri Sergey Lavrov vakil qiladi. Kreml mulozimiga ko‘ra, Putin BRIСS sammitida videokonferensaloqa formatida ishtirok etishga qaror qilgan.
Janubiy Afrika prezidenti Kiril Ramafosaning so‘zlariga ko‘ra , Rossiya agar prezident Vladimir Putinning Janubiy Afrikada BRIСS sammitiga kelsa, hibsga olinishi urush e’lon qilish bilan barobar bo‘lishini aniq ko‘rsatgan.
Rossiya haqiqatan ham bunga ishora qildimi degan savolga javob berar ekan, Dmitriy Peskov shunday dedi: “Hech kim hech kimga tushunish uchun hech narsa bermagan. Bu dunyoda, Rossiya davlati boshlig'iga bostirib kirishga urinish nimani anglatishini hamma uchun aniq. Shuning uchun bu yerda hech kimga hech narsani tushuntirishning hojati yo‘q”.
Maʼlumot uchun, agar Putin Yoxannesburgdagi anjumanga borganida, Rim statutiga qo‘shilgan Janubiy Afrika Respublikasi Xalqaro jinoyat sudi orderiga asosan uni hibsga olishi kerak bo‘lardi.
