Rubio: AQSh Afg‘oniston fuqarolari uchun vizani to‘xtatdi
Davlat kotibi bu qarorni xavfsizlik nuqtai nazari bilan izohladi.
AQSh hukumati Afg‘oniston fuqarolariga vizani to‘xtatishga qaror qildi. Bu haqda AQSh davlat kotibi Marko Rubio ma’lum qildi deydi TASS nashri.
Uning so‘zlariga ko‘ra, Donald Trampning ma’muriyati afg‘on pasportiga ega barcha sayohatchilarga vizani to‘xtatdi. “Qo‘shma Shtatlar uchun mamlakatimiz va xalqimizni himoya qilishdan muhimroq vazifa yo‘q,” — dedi Rubio.
Avvalroq AQSh Fuqarolik va Immigratsiya Xizmati (USCIS) chet elliklar uchun boshpana so‘rovlarini vaqtincha ko‘rib chiqishni to‘xtatgan edi. Tramp ma’muriyati shuningdek, mamlakatga kelgan boshpana izlovchilarni deportatsiya qilishni va uchinchi dunyo davlatlaridan odamlarni qabul qilishni noma’lum muddatga to‘xtatishni rejalashtirmoqda.
Shu kunlarda Vashington markazida sodir bo‘lgan qurolli hodisa ortidan xavfsizlik choralarining kuchaytirilgani ma’lum bo‘ldi. 26-noyabr kuni Admiral Devid Farragut bog‘i yaqinida yuz bergan otishmada bir kishi fuqaro va Milliy gvardiyaning ikki askari jarohat oldi, keyinchalik askarlardan biri vafot etdi. Gumonlanuvchi 2021-yilda Afg‘onistondan AQShga kelgan shaxs sifatida aniqlangan.
