Tramp o‘zini Venesuela prezidenti vazifasini bajaruvchi deb eʼlon qildi
AQSH prezidenti o‘z sahifasida joylashtirgan postida Venesueladagi vaziyatni AQSH vaqtinchalik boshqarish rejasini taʼriflab, ushbu davr mobaynida “tinch, tartibli va oqilona o‘tish” uchun harakat qilinayotganini bildirdi.
AQSH prezidenti Donald Tramp 2026 yil 12 yanvar kuni o‘zining Truth Social ijtimoiy tarmog‘idagi akkauntida o‘zgartirilgan rasmni joylashtirib, unda o‘zini “Venesuelaning amaldagi vakolatli prezidenti (Acting President of Venezuela)” deb ko‘rsatdi deydi Ria.ru nashri.
Ushbu postda Trampning rasmi ostida “Acting President of Venezuela, Incumbent January 2026” deb ko‘rsatilgan bo‘lib, bu tasvir haqiqiy rasmiy hujjat emas, balki ixtiro qilingan yoki manipulyatsiya qilingan vizual ko‘rinish ekani ommaviy axborot vositalari tomonidan taʼkidlanmoqda.
Maʼlumotlarga ko‘ra, AQSH bu postni Venesueladagi so‘nggi siyosiy vaziyat kontekstida joylashtirdi. 2026-yil 3-yanvar kuni AQSH harbiylari Venesuela yetakchisi Nikolas Maduro va uning rafiqasi Siliya Floresni qo‘lga olgan, shundan so‘ng Venesuelaning vitse-prezidenti Delsi Rodriges vaqtincha prezident sifatida ish boshlagan.
Tramp o‘z postida Venesueladagi vaziyatni AQSH vaqtinchalik boshqarish rejasini taʼriflab, ushbu davr mobaynida “tinch, tartibli va oqilona o‘tish” uchun harakat qilinayotganini bildirdi.
Biroq, ko‘p manbalar Trampning ijtimoiy tarmoqqa joylagan bu tasvirini rasmiy va qonuniy rahbarlik bayonoti sifatida qabul qilinmasligini va bu postning siyosiy eʼtirof yoki rasmiy akt bo‘lmasligini qayd etmoqda.
