AQSHda kuchli qor yog‘ishi natijasida halok bo‘lganlar soni 30 nafarga yetdi
Ayrim hollarda qor tozalovchi mashinalar piyodalarni urib ketgan.
Associated Press (AP) xabar berishicha, Qo‘shma Shtatlarda so‘nggi kunlarda kuchli qor yog‘ishi va sovuq ob-havo oqibatida kamida 30 kishi halok bo‘lgan.
Baʼzi holatlarda piyodalar ehtiyotsiz qor tozalovchi mashinalar tomonidan urilgan, Arkanzas va Texasda esa o‘smirlar chanada uchayotganda halok bo‘lgan. Nyu-York shahrida dam olish kunlari sakkiz kishining jasadi topilgan, ammo ularning o‘limi sababi hozircha nomaʼlum.
Qattiq ob-havo elektr energiyasi taʼminotida uzilishlarga sabab bo‘lib, mahalliy hokimiyat organlarining taʼkidlashicha, uni tiklash bir necha kun talab etishi mumkin.
Sinoptiklar AQSHning sharqiy qirg‘og‘ida hafta oxirida yana kuchli qor yog‘ishini va mamlakat bo‘ylab harorat -12,3°S gacha tushishini bashorat qilmoqda.
Avvalroq, butun mamlakat bo‘ylab kuchli qor bo‘roni va g‘ayrioddiy sovuq ob-havo transport tizimi va jamoat infratuzilmasida katta uzilishlarga olib kelgani, jumladan 11 000 dan ortiq reyslar bekor qilinib, yana 17 000 tasi kechiktirilgani xabar qilingan edi.
