Rajab Toyyib Erdog‘an o'g'lini voris sifatida tayyorlamoqda — Bloomberg
Shuningdek, Turkiya prezidentining kuyovi Selchuk Bayraktar ham ehtimoliy voris sifatida tilga olingan.
Bloomberg manbalariga ko‘ra, amaldagi prezident Rajab Toyyib Erdog‘anning kenja o‘g‘li allaqachon hukumat kadrlarini tanlashda faol ishtirok etmoqda va voris sifatida tayyorgarlik ko‘rishi mumkin.
Turkiya qonunchiligiga muvofiq, Erdog‘an 2028-yilda prezidentlik lavozimidan ketishi kerak. Biroq, uning oilasi va AKP rahbariyati vakolat muddati tugagandan keyin hokimiyatni bosqichma-bosqich o‘g‘liga o‘tkazishni maqsad qilgan. Agar parlament muddatdan oldin saylovlar o‘tkazsa yoki konstitutsiyaga o‘zgartirish kiritilsa, Erdog‘an qayta saylanish uchun nomzodini qo‘yishi mumkin.
Bloomberg maqolasida ta’kidlanishicha, ushbu vorislik o‘tishi uchun ichki siyosiy va xalqaro muhit qulay hisoblanadi, garchi bu rasmiy kafolatlanmagan bo‘lsa ham. Erdog‘an 2014-yildan beri prezident, ilgari 2003–2014 yillarda bosh vazir sifatida faoliyat yuritgan. U 2023-yilgi saylovlarda ikkinchi turda 52,18 foiz ovoz bilan g‘alaba qozongan.
Shuningdek, ekspertlar ilgari Turkiya prezidentining kuyovi Selchuk Bayraktarni ham ehtimoliy voris sifatida tilga olishgan. Bayraktar dron ishlab chiqaruvchi Baykar kompaniyasining egasi va texnik direktori bo‘lib, 2024-yilda Turkiyaning eng mashhur jamoat arboblaridan biri sifatida tan olingan.
Keyingi prezidentlik saylovlari Turkiyada 2028-yilga belgilangan.
