Andijonda qarindoshini pichoqlab o‘ldirgan erkak 11 yilga qamaldi
Erkak tovuqlarni katakka qamamagani tufayli qarindoshi bilan janjallashib qolgan.
Andijon shahrida qarindoshini pichoq bilan o‘ldirgan fuqaro Jinoyat kodeksining tegishli moddalarida aybli deb topilib, unga 11 yil ozodlikdan mahrum qilish jazosi tayinlandi. Bu haqda Millar xabar berdi.
1998-yilda tug‘ilgan fuqaro ammasining o‘g‘li “Yangi hayot” mahallasida bilan birga yashagan. 2025-yil 22-sentabr kuni soat 14:00 atrofida erkak tovuqlarning katakda emas, hovlida yurishidan g‘azablanib, qarindoshi bilan janjallashgan. Janjal davomida u pichoq bilan bir necha marotaba zarba berib, qarindoshini o‘ldirgan.
Hodisa vaqtida uyda boshqa oila aʼzolari ham bo‘lgan va tez yordam bilan shifoxonaga olib borilgan, ammo jabrlanuvchini qutqarib qolishning imkoni bo‘lmagan.
Jazo umumiy tartibli koloniyalarda o‘tashi belgilangan.
