Eron va Isroil havo hududi yopildi: O‘zbekiston reyslariga ta’sir ko‘rsatdi
Toshkent, Andijon, Madina va Jidda yo‘nalishidagi bir nechta reyslar xavfsizlik sababli ortga qaytarildi.
Eron va Isroil havo hududlari, dastlabki ma’lumotlarga ko‘ra, Toshkent vaqti bilan soat 11:30 dan 17:00 gacha vaqtincha yopildi. Bu haqda Uzbekistan Airports ma’lum qildi.
Mazkur cheklovlar sabab O‘zbekiston shaharlaridan uchgan hamda O‘zbekistonga yo‘l olgan bir nechta reyslar jo‘nash aeroportiga qaytishga majbur bo‘ldi.
O‘zbekistondan amalga oshirilgan reyslar:
- 7Q4461 (Fly One Asia) — Andijon–Madina yo‘nalishida uchgan reys Andijon aeroportiga qaytdi.
- HH901 (Qanot Sharq) — Toshkent–Dubay yo‘nalishidagi reys Toshkent aeroportiga qaytdi.
O‘zbekistonga amalga oshirilgan reyslar:
- 7Q342 (Fly One Asia) — Madina–Toshkent yo‘nalishidagi reys Madina aeroportiga qaytdi.
- 2U7706 (Fly Khiva) — Madina–Andijon yo‘nalishidagi reys Madina aeroportiga qaytdi.
- 9S3302 (Air Samarkand) — Jidda–Toshkent yo‘nalishidagi reys Jidda aeroportiga qaytdi.
