Oyatulloh Ali Xomanaiy xavfsiz hududga olib ketildi — Reuters
Ma’lumotlarga ko‘ra, Eron Oliy Rahbari xavfsizlik sabab Tehrondan evakuatsiya qilingan.
Reuters agentligining xabar berishicha, Eron oliy rahnamosi Oyatulloh Ali Xomanaiy xavfsizlik sababli Tehrondan evakuatsiya qilinib, oldindan tayyorlangan xavfsiz hududga ko‘chirilgan.
Agentlikka Eron rasmiylaridan birining ma’lum qilinishicha, Oliy Rahbar AQSh va Isroil tomonidan amalga oshirilgan zarbalardan so‘ng poytaxtni tark etgan.
Isroil va AQSH zarbalari natijasida Eron mudofaa vaziri Aziz Nosirzoda, mamlakat sud tizimi rahbari Gʻulom Husayn Mohseniy-Ejeiy va Eron armiyasi bosh qo‘mondoni Amir Hotamiy yo‘q qilindi, deya xabar qilinmoqda.
28-fevral kuni ertalab Isroil Tashqi ishlar vazirligi Eron hududiga nisbatan “tahdidni bartaraf etish maqsadida” oldindan ogohlantiruvchi zarba berilganini xabar berilgan edi. Eron ommaviy axborot vositalari esa Tehron, Isfahon va boshqa qator shaharlarda portlashlar sodir bo‘lganini xabar qildi.
Shuningdek, Eron OAV AQSh va Isroil tomonidan Islom inqilobi qo‘riqchilari korpusi (KSVR) razvedka boshqarmasi hamda Tehron markaziga zarbalar berilgani haqida ma’lumot tarqatdi. Voqealar ortidan mamlakat o‘z havo hududini yopgan.
Isroil xavfsizlik xizmati vakilining Reuters’ga bildirishicha, mazkur operatsiya bir necha oy oldin rejalashtirilgan bo‘lib, uni amalga oshirish vaqti bir necha hafta avval belgilangan.
