Men Mujtabo Xomanaiyning oʻlganini eshitdim — Tramp
AQSh prezidenti uning hozirgi holati haqida aniq ma’lumot yo‘qligini ta’kidladi.
Donald Tramp Eronning yangi Oliy rahbari Mujtabo Xomanaiy tirikligiga shubha bildirganini ma’lum qildi. Bu haqda u NBC News telekanaliga bergan intervyusida aytib o‘tgan.
AQSh prezidenti so‘zlariga ko‘ra, Mojtaba Xomanaiyning hozirgi holati haqida aniq ma’lumot yo‘q.
“U tirikmi yoki yo‘qmi, bilmayman. Uni hali hech kim ko‘rsata olmadi. Uning o‘lganini eshitdim. Agar bu rost bo‘lmasa, u o‘z mamlakati uchun juda aqlli qaror qabul qilishi kerak — taslim bo‘lishi kerak”, — degan Donald Tramp.
Shu bilan birga, Abbas Aroqchi esa bir kun avval Mujtabo Xomanaiy o‘z vazifalarini bajarishda davom etayotgani va ish faoliyatini normal olib borayotganini bildirgan.
12-mart kuni esa The Sun nashri Mujtaba Xomanaiy havo hujumi oqibatida og‘ir jarohat olgani haqida xabar tarqatgan edi. Nashr ma’lumotiga ko‘ra, u bir yoki ikkala oyog‘idan ayrilgan bo‘lishi mumkin va komada ekani taxmin qilinmoqda.
Avvalroq Xomanaiyning Rossiyaga davolanish uchun ketgani xabar qilingan edi.
