Toshkentdan Dubayga yo‘naltirilgan reyslar bekor qilindi
Yo‘lovchilar istalgan keyingi reysga bepul chiptani qayta rasmiylashtirishi yoki pulini to‘liq qaytarib olishi mumkin.
“Uzbekistan Airways” joriy yilning 22-mart kungi Toshkent – Dubay – Toshkent yo‘nalishidagi HY333/334 reyslarini bekor qilganini ma’lum qildi.
Aviakompaniya xabariga ko‘ra, bekor qilingan reyslar yo‘lovchilari istalgan keyingi reysga bepul chiptani qayta rasmiylashtirish yoki aviachipta xarid qilingan joyda mablag‘ni to‘liq qaytarib olish imkoniyatiga ega.
“Yo‘lovchilar va ekipaj a’zolarining xavfsizligini ta’minlash — Uzbekistan Airways uchun eng oliy ustuvor vazifa,” — deyiladi kompaniya xabarida.
Qo‘shimcha ma’lumot va aloqa uchun:
“Uzbekistan Airways” yagona aloqa markazi: +998 78 140 02 00
“Uzbekistan Airways” BAA dagi vakolatxonasi: +971 4 256 88 14
Avval ham Dubay havo hududining qisman yopilishi sabab “Uzbekistan Airways” aviakompaniyasining Toshkent – Dubay yo‘nalishi bo‘yicha HY-333 reysi ortga qaytarilgan edi.
