Tramp Eronni Hormuz bo‘g‘ozida to‘lov undirishdan voz kechishga chaqirdi
Uning fikricha, Tehronning Hormuz bo‘g‘ozidagi harakatlari kelishuvlarga zid hisoblanadi.
AQSh prezidenti Donald Tramp Eronni Hormuz bo‘g‘ozi orqali harakatlanayotgan kemalardan to‘lov undirish rejasidan voz kechishga chaqirdi.
AQSh rahbari ushbu bayonotni Truth Social ijtimoiy tarmog‘idagi sahifasida e’lon qilgan. Uning ta’kidlashicha, Tehron tomonidan bo‘g‘oz orqali o‘tayotgan tankerlar uchun to‘lov joriy etilgani haqidagi xabarlar jiddiy xavotir uyg‘otmoqda.
“Eron buni qilmasligi kerak. Agar bunday amaliyot allaqachon yo‘lga qo‘yilgan bo‘lsa, u darhol to‘xtatilishi lozim”, — deya yozgan Tramp.
Shuningdek, AQSh prezidenti bayonotida Eronning Hormuz bo‘g‘ozidagi harakatlari mavjud kelishuvlarga zid ekanini qayd etgan. Uning fikricha, mazkur strategik hudud orqali neft tashish jarayonidagi cheklovlar yoki qo‘shimcha to‘lovlar xalqaro majburiyatlarga mos kelmaydi.
