O‘zbekiston va Škoda Group elektropoyezdlarni yetkazib berish bo‘yicha bitim imzoladi
O‘zbekistonda temiryo‘l transporti sohasida Škoda loyihasini amalga oshirish boshlanadi.
Prezident Shavkat Mirziyoyev va Chexiya Bosh vaziri Andrey Babish Kengaytirilgan hamkorlikni ilgari surish to‘g‘risida qo‘shma deklaratsiyani imzoladi.
Ma’lum qilinishicha, mazkur tadbirda elektropoyezdlarni yetkazib berish to‘g‘risidagi kelishuvga ham erishilgan.
Chexiya tomonidan “O‘zbekiston temir yo‘llari» bilan elektropoyezdlarni yetkazib berish to‘g‘risidagi bitimni Škoda Group bosh direktori Petr Novotniy imzoladi.
Avvalroq Chexiyaning O‘zbekistondagi elchisi Lubomir Frebort, tashrif doirasida temiryo‘l transporti sohasida Škoda loyihasini amalga oshirish boshlanishini ma’lum qilgan.
Loyiha elektropoyezdlarni yetkazib berish, ularni O‘zbekistonda yig‘ish va bosqichma-bosqich ishlab chiqarishni mahalliylashtirishni nazarda tutadi.
Buning uchun Toshkent davlat transport universiteti qoshida kadrlar tayyorlovchi Škoda akademiyasi ochilishi kutilmoqda.
