Tramp Eronning so‘nggi taklifini rad etdi
AQSh Prezidenti taqdim etilgan shartlarni qabul qilib bo‘lmasligini bildirdi.
AQSH prezidenti Donald Trump Eronning mintaqaviy mojaroni hal etish bo‘yicha so‘nggi taklifini qabul qilmasligini bildirdi. Bu haqda u Isroilning Kan News jurnalisti Natan Guttmanga bergan qisqa telefon suhbatida ma’lum qildi.
Jurnalistning bildirishicha, Tramp taklifni o‘rganib chiqqanini ta’kidlab, “taklifni qabul qilib bo‘lmaydi”, degan. Shuningdek, u Eron kelishuvga erishishga intilayotganini, ammo taqdim etilgan shartlar uni qoniqtirmayotganini qayd etgan.
Kan ma’lumotiga ko‘ra, Tramp qo‘shimcha izohlarida muzokaralar “juda yaxshi ketmoqda”, deb baholagan. U, shu bilan birga, taklifda rozi bo‘la olmaydigan jihatlar mavjudligini aytgan.
Bundan tashqari, Tramp Isroil prezidenti Isak Hersogni Bosh vazir Binyamin Netanyaxuga nisbatan jinoiy ish doirasida afv qo‘llashga chaqirgan.
Uning fikricha, urush sharoitida mamlakatni boshqarayotgan rahbar barcha e’tiborini harbiy harakatlarga qaratishi lozim.
