O‘zbekistonning 9 hududida sel xavfi e’lon qilindi

O‘zgidromet 8–12-may kunlari respublika hududida kuzatilishi kutilayotgan kuchli yomg‘irlar sabab qator tog‘oldi va tog‘li hududlarda sel-suv toshqini hodisalari yuzaga kelishi mumkinligi haqida ogohlantirdi.

 

Ma’lum qilinishicha, Qashqadaryo viloyatining Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlarida sel kelishi xavfi mavjud.

 

Shuningdek, Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrabot tumanlarida ham sel-suv toshqini hodisalari kuzatilishi mumkinligi bildirildi.

 

Ogohlantirish Samarqand viloyatining Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlariga, Navoiy viloyatining Xatirchi, Navbahor, Nurota, Konimex va Karmana tumanlariga ham taalluqli.

 

Bundan tashqari, Jizzax viloyatining Zomin, Baxmal, G‘allaorol, Sharof Rashidov, Forish va Yangiobod tumanlarida, Toshkent viloyatining Ohangaron, Bo‘stonliq, Parkent, Piskent, O‘rta Chirchiq va Yuqori Chirchiq tumanlari hamda Angren va Olmaliq shaharlarida ham xavf saqlanib qolmoqda.

 

Namangan viloyatining Pop, Kosonsoy, Chortoq, Chust, Namangan va Yangiqo‘rg‘on tumanlari, Farg‘ona viloyatining So‘x, Shohimardon, Farg‘ona va Beshariq tumanlari hamda Andijon viloyatining Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod va Marhamat tumanlari hamda Xonobod shahrida ham sel kelishi ehtimoli qayd etildi.

 

Mutaxassislar ayrim hududlarda yomg‘ir suvlari to‘planib, hududlarni suv bosishi mumkinligini ham ma’lum qildi.

“O‘zgidromet” tog‘oldi va tog‘li hududlarda yashovchi fuqarolar, dam oluvchilar hamda haydovchilardan ehtiyot choralarini ko‘rish, xavfli hududlarda harakatlanishda hushyor bo‘lishni so‘radi.

 

Eslatib o‘tamiz, avvalroq kuchli yog‘ingarchilik oqibatida Chorsu metro bekati kirish qismiga suv toshgani haqida xabar berilgandi.