Eronning harbiy salohiyatini tiklashiga 20 yil kerak bo‘ladi — Tramp
AQSh prezidentining ta’kidlashicha Eron bo‘yicha rejalashtirilgan nishonlarning 70 foiziga zarba berilgan.
AQSh prezidenti Donald Tramp Eronning harbiy salohiyatini tiklash uchun uzoq vaqt talab etilishini ma’lum qildi. Unga ko‘ra, Eronning mavjud harbiy infratuzilmasi va imkoniyatlarini qayta tiklashi uchun taxminan 20 yil kerak bo‘lishi mumkin.
Amerika yetakchisi “Full Measure” dasturiga bergan intervyusida AQSh tomonidan rejalashtirilgan harbiy nishonlarning qariyb 70 foiziga zarba berilganini qayd etgan.
Shu bilan birga, The Washington Post nashri avvalroq AQSh Markaziy razvedka boshqarmasi (CIA) tahlillariga tayanib, Eron urushdan oldingi ballistik raketa arsenalining taxminan 70 foizini saqlab qolganini ma’lum qilgan edi.
Hisobotda aytilishicha, Eron yer ostidagi ayrim raketa arsenallariga kirishni tiklash, shikastlangan raketalarni ta’mirlash hamda yangi raketalar ishlab chiqarishni davom ettirish imkoniga ega bo‘lgan.
