Oq uy yaqinida otishma sodir bo‘ldi

AQSH Maxfiy xizmati Oq uy yaqinida o‘t ochgan shaxsni otib tashladi. Hodisa oqibatida tasodifiy yo‘lovchilardan biri ham yaralangan. Bu haqda AQSH Maxfiy xizmati ma’lum qildi, deya xabar bermoqda BBC.

 

Ma’lum qilinishicha, noma’lum shaxs tunda sumkasidan qurol chiqarib, Oq uy yaqinida o‘q uza boshlagan. Shundan so‘ng Maxfiy xizmat xodimlari unga qarata o‘t ochgan.

 

Amerika OAVlari manbalarga tayanib xabar berishicha, hujumchi 21 yoshli Nasir Best bo‘lgan. U  ilgari Maxfiy xizmat bilan to‘qnashgan va ruhiy kasal sifatida ro‘yxatga olingan.

 

Hodisa 24-aprel kuni Oq uy muxbirlari assotsiatsiyasi kechasida yuz bergan otishmadan bir oy o‘tib sodir bo‘ldi. O‘sha tadbirda AQSH prezidenti Donald Tramp ham ishtirok etgan edi.

 

Tramp Truth Social'dagi sahifasida Maxfiy xizmatning harakatlarini maqtab, hujumchini “jinoyatchilik o‘tmishiga ega shaxs” deb atadi. 

 

Shuningdek, u kelajakda prezidentlar uchun yanada xavfsiz hududlar yaratish zarurligini ta’kidladi.

 

CNN muxbirlari Oq uy yaqinida o‘nlab o‘q ovozlari eshitilganini bildirgan. ABC News muxbiri Selina Vang esa X ijtimoiy tarmog‘ida voqea vaqtida olingan videoni e’lon qilgan. Unda Oq uy yaqinida o‘q ovozlariga o‘xshash tovushlar eshitiladi.

 

Eslatib o‘tamiz, 24-aprel kuni Oq uy muxbirlari assotsiatsiyasi kechasida ham qurolli hodisa yuz bergan, tadbirda AQSH prezidenti Donald Tramp ham ishtirok etgan edi.

 

Hibsga olingan Koul Allen tergov organlariga Tramp ma’muriyati vakillariga hujum uyushtirish niyatida bo‘lganini bildirgan.