Surxondaryoda sel qishloqni yuvib ketdi
Sel-suv toshqinidan jabr ko‘rganlarga yordam qilish ishlari boshlandi.
24-may kuni Surxondaryo viloyati Uzun tumaniga kelgan kuchli sel qishloqni yuvib ketdi.
Ma’lum qilinishicha, shu kunning o‘zida tuman hokimligi tomonidan Arg‘amchi qishlog‘i hamda O‘rmonchi qishlog‘ida yuzaga kelgan sel-suv toshqinidan jabr ko‘rganlarga yordam qilish ishlari boshlandi.
“Hammaga yordam ko‘rsatamiz. Mana men tuman hokimi sifatida hech kimni xafa qilib qo‘ymadim. Bironta odamni ko‘chada qoldirmadim. Yordam beramiz. Xudoga shukur, muhtaram prezidentimiz pulni berganlar, mablag‘ bor, hammasi joyida”, — dedi tuman hokimi.
23-may kuni ham Samarqand viloyatining qator hududlarida kuzatilgan kuchli yomg‘ir oqibatida ayrim ko‘chalarda suv to‘planishi va toshqin holatlari yuzaga kelgandi.
Viloyat hokimi Adiz Boboyev vaziyatni joyiga chiqib o‘rganish maqsadida tegishli tashkilotlar vakillari bilan birgalikda Samarqand shahridagi Chuquryo‘l ko‘chasida bo‘lib, bunday holatlar takrorlanishining oldini olish yuzasidan mas’ullarga topshiriqlar bergandi.
