Italiyada to‘rt nafar migrant mashinasida tiriklayin yoqib yuborildi
Qurbonlarning uch nafari afg‘onistonlik va bir nafai pokistonlik bo'lgan
Italiyaning Kalabriya mintaqasidagi Amendolara shahrida sodir bo‘lgan mudhish jinoyat oqibatida to‘rt nafar migrant halok bo‘ldi. Mahalliy prokuratura ma’lumotlariga ko‘ra, hodisa yuzasidan ikki nafar Pokiston fuqarosi og‘irlashtiruvchi holatlardagi qotillikda gumonlanib hibsga olingan.
The Guardianning ma’lum qilishicha, fojia yoqilg‘i quyish shoxobchasi hududida sodir bo‘lgan. Kuzatuv kameralari tasvirlarida gumonlanuvchilar avtomobilga yonuvchi suyuqlik sepib, so‘ng unga o‘t qo‘ygani aks etgan. Dastlabki ma’lumotlarga ko‘ra, avtomobil eshiklari qulflangani sababli ichkaridagi shaxslar tashqariga chiqa olmagan.
Hodisa oqibatida uch nafar Afg‘oniston va bir nafar Pokiston fuqarosi halok bo‘lgan. Avtomobildagi yana bir afg‘onistonlik erkak esa yukxona orqali chiqib ketishga muvaffaq bo‘lgan. U kuyish jarohatlari bilan qutqarib qolingan.
Omon qolgan shaxsning so‘zlariga ko‘ra, u va halok bo‘lgan hamkasblari qishloq xo‘jaligi ishlarida mehnat qilgan. U ayrim shaxslar tomonidan muntazam tahdidlar bo‘lgani va migrantlar mehnatidan noqonuniy foydalanilgani haqida ko‘rsatma bergan.
Avvalroq, AQSHda NUJ tadqiqotlari bilan shug'ullangan 11 ta olim bedarak yo'qolgani haqida xabar berilgan edi.
