Namanganda Chadaksoyda oqim olib ketgan yigitning jasadi topildi
Pop tumanidagi bir necha kunlik qidiruv yakunlandi.
Namangan viloyatining Pop tumanida Chadaksoy soyida oqim olib ketgan yigitning jasadi qidiruv-qutqaruv ishlari yakunida topildi.
Favqulodda vaziyatlar vazirligi ma’lumotiga ko‘ra, voqea 28-may kuni Shayxon mahallasi hududidan oqib o‘tuvchi soyda sodir bo‘lgan. 2002-yilda tug‘ilgan yigit suzish uchun mo‘ljallanmagan joyda suvga tushib ketgan va kuchli oqim uni olib ketgan.
Qidiruv ishlari bir necha kun davomida tuman Favqulodda vaziyatlar bo‘limi hamda viloyat FVV qutqaruvchilari tomonidan olib borilgan.
Natijada marhumning jasadi topilib, tegishli xizmatlarga topshirilgan.
FVV fuqarolarga yana bir bor suv havzalarida xavfsizlik qoidalariga qat’iy rioya qilish, taqiqlangan va xavfli joylarda cho‘milmaslik bo‘yicha ogohlantirish berdi.
Avvalroq, Samarqandda er-xotin 6 nafar qo‘shni bolani elektromopedda aylantirishga olib chiqib, kanalga tushib ketishi oqibatida 4 bola halok bo‘lgai xabar qilingan edi.
