Olmaliq shahar hokimi Nurafshonga tayinlandi
Viloyat hokimi tavsiyasiga ko‘ra yangi tayinlov amalga oshirildi.
Toshkent viloyatining Nurafshon shahrida Xalq deputatlari shahar Kengashining navbatdan tashqari sessiyasi bo‘lib o‘tdi. Unda tashkiliy masala ko‘rib chiqilib, shahar hokimi lavozimiga yangi rahbar tayinlandi. Bu haqda viloyat hokimligi matbuot xizmati xabar berdi.
Sessiyada Toshkent viloyati hokimi Zoir Mirzayev ishtirok etib, shaharni ijtimoiy-iqtisodiy rivojlantirish bo‘yicha ustuvor vazifalar yuzasidan ma’ruza qildi.
Taqdim etilgan nomzodga ko‘ra, hozirga qadar Olmaliq shahar hokimi vazifasida ishlab kelgan Qobil Murodqulovich Hamdamov Nurafshon shahar hokimi etib tasdiqlandi.
Eslatib o‘tamiz, avvalroq Nurafshon shahar hokimi Ilhom Qilichxonov boshqa vazifaga o‘tishi munosabati bilan lavozimidan ozod etilgani haqida xabar berilgan edi.
