Janubiy Koreya sobiq prezidentining rafiqasi 7 yilga qamaldi
Kim Gon Xi qimmatbaho sovg‘alar va zargarlik buyumlarini noqonuniy qabul qilganlikda aybdor deb topilgan.
Janubiy Koreyaning sobiq prezidenti Yun Sok Yolning rafiqasi Kim Gon Xi korrupsiya bilan bog‘liq jinoyatlarda aybdor deb topilib, 7 yil muddatga ozodlikdan mahrum etildi. Bu haqda Sinxua axborot agentligi xabar berdi.
Seul markaziy okrug sudi tomonidan e’lon qilingan hukmga ko‘ra, sobiq birinchi xonim davlat lavozimlariga tayinlash evaziga pora olish, shuningdek, qimmatbaho zargarlik buyumlari va hashamatli sovg‘alarni noqonuniy qabul qilishda aybdor deb topilgan.
Sud qarorida Kim Gon Xi oddiy fuqarolar uchun deyarli qo‘l yetmaydigan hashamatli buyumlarni qabul qilishdan tiyilmagani qayd etilgan.
Mazkur ish bo‘yicha tergovni olib borgan maxsus prokuror Min Jun Gi boshchiligidagi guruh suddan sobiq birinchi xonimga 7,5 yil ozodlikdan mahrum qilish jazosini tayinlashni so‘ragan edi.
Eslatib o'tamiz, avvalroq Janubiy Koreya maxsus prokuraturasi sobiq prezident Yun Sok Yolga nisbatan qo‘zg‘olon ayblovi bo‘yicha ko‘rilayotgan apellyatsiya ishida o‘lim jazosini talab qilgani xabar qilingan edi.
