Filippinda maktabdagi otishmada 4 kishi halok bo‘ldi
Shningdek, hujum oqibatida to‘qqiz kishi jarohatlangan.
Filippinning janubidagi Zamboanga shahrida joylashgan Ateneo de Zamboanga universiteti kampusidagi o‘rta maktabda otishma sodir bo‘lgan. The Manila Timesning xabar berishicha, hodisa oqibatida hujum qilgan o‘quvchi, yana bir o‘quvchi va 2 nafar xavfsizlik hodimlari halok bo‘lgan, to‘qqiz kishi jarohatlangan.
Rasmiylarning dastlabki ma’lumotlariga ko‘ra, hujumchi maktabga ikkita o‘qotar qurol olib kirgan. Shundan so‘ng u boshqa bir o‘quvchini otib o‘ldirgan va o‘z joniga qasd qilgan.
Zamboanga meri hujumchi voqeani body-kamera orqali jonli efirga uzatgan bo‘lishi mumkinligini ham bildirgan. Otishma boshlanganidan so‘ng yuzlab o‘quvchilar maktab binosidan xavfsiz hududga evakuatsiya qilingan.
Politsiya bir necha soat ichida vaziyat nazoratga olinganini ma’lum qilgan. Milliy politsiya boshlig‘i Xose Melensio Nartatez esa hodisaning barcha tafsilotlari aniqlanayotganini bildirib, jamoatchilikni tasdiqlanmagan foto va videolarni tarqatmaslikka chaqirgan.
Ma’lumot uchun, Mazkur voqea Filippinda ikki oy ichida yuz bergan ikkinchi maktab otishmasi bo‘ldi. Iyun oyida Takloban shahridagi maktabda sodir bo‘lgan hujumda uch nafar o‘quvchi halok bo‘lgan, kamida 20 kishi jarohatlangan edi.
Eslatib o‘tamiz, avvalroq Tailanddagi maktabda ham otishma sodir bo‘lgan edi.
